Сямейны радавод
Вучні нашага класа пазнаёміліся з сямейным радаводам. Высветлілі, што такое "радавод", як ён складаецца, пазнаёміліся з радаводамі сям'і па матчынай і бацькавых лініях, даведаліся аб паходжанні свайго прозвішча. Вучыліся складаць сваё сямейнае дрэва. Так, людская супольнасць таксама нагадвае лес. У кожнага сямейнага радаводу — сваё дрэва. У яго свае карані, ствол, галіны. У прыродным лесе жывуць дуб, ліпа, граб, клён, бяроза, асіна. У лесе чалавечым жывуць Дубовікі, Ліпскія, Ліпніцкія, Грабаўскія, Клёнскія, Асінаўскія. Як і ў лесе, жывуць паміж людзей дубы-волаты, і карлікі, засохлыя і крывыя, кучаравыя і не вельмі.
Мы дрэнна ведаем свае карані. Гэта наша бяда. Нельга жыць, не ведаючы сваяцтва, нельга вывучаць гісторыю Радзімы ў адрыве ад гісторыі роднага краю. Бо, вывучаючы гісторыю сваёй сям'і, кожны знаёміцца, такім чынам, з гісторыяй краіны.
