Дзень самакіравання
На пярэдадні Дня настаўніка у нашай школе адбыўся дзень самакіравання. Гэта мерапрыемства дало магчымасць вучням школы ў поўнай меры адчуць наколькі няпростая праца ў нашых выкладчыкаў. Настаўнікі-дублёры вельмі сур'ёзна і адказна аднесліся да сваіх абавязкаў, пісалі планы сваіх урокаў, рыхтавалі прэзентацыі. Акрамя таго, хачу заўважыць, што ўсе настаўнікі-дублёры выдатна валодалі не толькі звесткамі, патрэбным для ўрока, але і дадатковым матэрыялам, з якім падзяліліся з вучнямі.
Тыя вучні, якія паспрабавалі сябе ў ролі адміністрацыі школы таксама не адпачывалі. Ім давялося сутыкнуцца з рэальнымі праблемамі, з якімі дырэктар-дублёр і яго памочнікі бліскуча справіліся. Калі мы простыя вучні, мы не бачым, якую каласальную працу вядуць выкладчыкі і адміністрацыя школы. Дзень самакіравання дае магчымасць вучням усвядоміць усю адказнасць дарослага жыцця, а можа нават каму дапаможа выбраць будучую прафесію.
